有d步驟要用沾濕左o既化妝棉 同化妝水黎配合
說明書從頭到尾只係叫大家使用化妝水
但如果想要好d o既效果, 我都會建議番配合唔同o既toner
當然用一種toner完全唔係問題
但係買得部機, 我相信大家都想用盡佢 :)
注意:
大前題係支化妝水一定要無酒精同無油份
(其實我會揀無埋香料,
假設部機真係非常有效地導入所有野入皮膚深層
所有呢d化學野都會入晒去, 當然我唔覺得會有乜即時影響
但係長遠有乜影響真係無人知)
1.清潔美容 - Cleansing
呢個step主要係將d烏糟野吸出黎
用o既時候要用沾濕o既棉花放o係導頭度做導出
呢個step用卸妝水會比較顯著
化妝棉方面就要用d有壓紋
我自己就用Bioderma紅水+Kleenex 化妝棉 (聽講萬寧牌都ok)
我平時好小化妝
但塊棉都幾烏糟下
P.S. 大家記住做頸呀!!!!好烏糟ga!!!!!!!
P.S.2 做完呢個步驟記住清水洗面呀!!!!
你都唔想導入番D野入去ga ma :)
P.S.3 可以偶然做完呢個Step 再做deep clean mask +針清
2. 提昇滲透 - Micro-pat
呢個step就唔駛用化妝棉
將化妝水搽o係面上
再用導頭直接放在面上
我會o係呢個step用d無咁"杰"身o既化妝水
同埋一路做o既時候你會發覺塊面d化妝水會吸晒落去
呢個時候你會發覺個導頭啜住塊面
呢個時候你會發覺個導頭啜住塊面
記住唔好繼續一路做落去,
係咁扯d皮膚, 會有紋ga !!!!!!!!!
最好預備個噴壺
(因為部機一停左30秒就熄ga la!!!!!)
但我多數會放蒸餾水, 花水 再唔係菜瓜水都ok
原因係如果每次都加化妝水上面
你會比平時用多左幾倍o既化妝水
物極必反, 唔想生粒粒就聽話啦!
我會搽一次化妝水上面先, 乾左再加多次化妝水
之後我就會用蒸餾水代替
Step 3.強化保濕 - Moisturize
呢個step又要用番化妝棉喇
大家可以用各種唔同o既精華素, b5 gel........同paper mask
用paper mask就唔駛用化妝棉了
記住用無油無酒精o既product呀!
我都知難搵d
大家可以試下
St. Clare的玻尿酸100﹪保濕面膜
Innu 的面膜
Aquamoist
P.S.我多數會敷左五分鐘先開始導入
完左後再敷夠要求o既時間 :)
完左後再敷夠要求o既時間 :)
另外,
用精華素的話
我都唔會將精華沾濕化妝面
而係將精華厚小小搽上面,
再用蒸餾水噴濕左o既化妝棉放在導頭上做導出
都係o個句啦!!物極必反
仲有做完呢個step我都會用清水洗面
因為要導入o既都導入左
剩番o係面其實都係一d殘留物, 無用ga la -____-"
P.S. 記住精華同Paper mask 都要用d水性o既product,
gel 狀同cream狀導入效果都會差d!
4.冰涼美肌 - Cool Aesthetic
呢個就唔駛講啦
記住用拍打o既方法做就ok 架喇 :)
之後做番基本護膚程序
呢個係我做完4 steps之後無搽任何護膚品下 o既皮膚狀況
小貼士
1. 講多次, 要用無油, 無酒精, 最好無埋香料的product
2. 唔好太大力去拉扯皮膚
3. 雖然說明書話可以每日做, 但一個星期一至兩次都好足夠了
其實皮膚真係唔適宜咁多刺激
希望大家用得開心
同埋絕對歡迎大家交換心得
呢個世界無話邊套一定o岩晒ga ma
